APAAR ID Card Kaise Banaye 2026: Student ke liye Online Registration, Benefits
APAAR ID Card ka full form Automated Permanent Academic Account Registry hai. Ise One Nation One Student ID bhi kaha jata hai. Bharat Sarkar ne NEP 2020 ke tahat isko launch kiya hai. Har student ka 12 digit ka unique ID banega jisme uska pura academic record save rahega.
APAAR ID Card kya hai?
APAAR ID ek Digital ID Card hai jisme student ka Academic Bank of Credits (ABC) ka data hota hai. Jaise Aadhaar Card me aapki pehchan hoti hai, waise hi APAAR ID me aapki padhai ka pura bio-data hoga. Nursery se lekar PhD tak ke saare marksheets, degree, certificate is ek ID me store rahenge.
APAAR ID ke Fayde (Benefits)
- One ID for All: Ek hi ID se school, college aur job sab jagah kaam chalega.
- Digilocker me Safe: Aapka result kabhi khoyega nahi, Digilocker se kabhi bhi download kar sakte ho.
- Credit Transfer: Agar aap beech me college change karte ho to aapke credits transfer ho jayenge.
- Farzi Degree par Rok: Naukri ke samay company aapka record turant verify kar legi.
- Scholarship me Asaan: PM Scholarship aur NSP Scholarship me isse jaldi verification hoga.
APAAR ID Banane ke liye Documents
Student ke liye APAAR ID banana bilkul free hai. Iske liye ye documents chahiye:
- Aadhaar Card (Student ka)
- Mobile Number (Aadhaar se link)
- School / College ID Card
- Pen Paper (Consent Form ke liye)
- Parents ka Aadhaar (6th class se neeche ke bachchon ke liye)
APAAR ID Card Kaise Banaye Online – Step by Step Process
APAAR ID School dwara banaya jata hai, lekin aap khud bhi ABC Portal se bana sakte ho. Process ye hai:
Step 1: ABC Portal par jaye
Sabse pehle Google me abc.gov.in search kare. Ye Academic Bank of Credits ki official website hai.
Step 2: My Account par Click kare
Homepage par upar My Account > Student par click kare. Aapko Digilocker ke through login karna hoga.
Step 3: Digilocker se Login kare
Apna Aadhaar Number dale aur OTP se login kare. Agar Digilocker account nahi hai to pehle bana le.
Step 4: Consent Form
Login ke baad ek Consent Form ayega. Isme aapko apne parents ki permission deni hogi ki aapka data use kar sakte hain. Ise I Agree par tick kare.
Step 5: School Details Bhare
Ab apna School ka naam, Class, Roll Number aur Aadhaar details verify kare.
Step 6: APAAR ID Generate Ho Jayega
Sab details sahi hote hi aapka 12 digit ka APAAR ID Card generate ho jayega. Aap ise Download karke Print kar sakte ho.
APAAR ID Official Website
Click Here to Create APAAR ID
School se APAAR ID kaise banta hai?
Zyadatar schools UDISE+ Portal se sabhi students ka data ek saath upload karte hain. Teacher aapke Aadhaar ko verify karke ek form bharte hain. Uske baad aapko ek chhota sa card milta hai jisme APAAR ID likha hota hai. Isliye agar aap khud se nahi bana pa rahe ho to apne Class Teacher se sampark kare.
Important Links
| Kaam | Link |
|---|---|
| APAAR ID Create | abc.gov.in |
| APAAR ID Download | apaar.education.gov.in |
| Digilocker | digilocker.gov.in |
Conclusion: APAAR ID har student ke liye bahut jaruri hai. Ye aapke future ke liye Aadhaar Card jaisa hi important hai. Agar aap abhi school ya college me padh rahe ho to aaj hi apna APAAR ID bana le.