ABHA Card Kaise Banaye 2026? – Health ID Card Online Free
Kya aapko pata hai ab aapka saara medical record ek hi card me safe rahega? Bharat Sarkar ne Ayushman Bharat Digital Mission (ABDM) ke tahat ABHA Card (Ayushman Bharat Health Account) shuru kiya hai. Isko pehle Health ID Card ke naam se jana jata tha. Is card se aapke saare health reports digital tarike se ek jagah store honge.
Aaj is post me hum janenge ki ABHA Card Kya Hai, Iske Fayde Kya Hain aur ABHA Card Kaise Banaye 2026 me mobile se?
ABHA Card Ke Fayde – Benefits
- 1. Paperless Record: Ab aapko hospital ki file le jane ki zarurat nahi, sab kuch mobile me rahega.
- 2. Doctor Ko Dikhana Aasan: Kisi bhi hospital me doctor aapke ABHA ID se aapka purana record dekh sakta hai.
- 3. Ayushman Bharat Yojana Se Link: Ye card Ayushman Bharat card se link hota hai jisse aapko free ilaj milne me aasani hoti hai.
- 4. Bilkul Free Hai: Is card ko banana 100% free hai, koi charge nahi lagta.
- 5. Safe & Secure: Aapka data encrypted rehta hai, aapki permission ke bina koi nahi dekh sakta.
ABHA Card Banane Ke Liye Documents
ABHA Card banane ke liye aapke pass sirf 2 chize honi chahiye:
- Aadhaar Card (Mobile number link hona chahiye)
- Mobile Number jispar OTP ayega
- Driving License ya PAN Card (Agar Aadhaar se nahi banana chahte to)
ABHA Card Kaise Banaye? – Step By Step Process
Method 1: Aadhaar Card Se ABHA ID Kaise Banaye (Sabse Aasan)
- Step 1: Sabse pehle official website abha.abdm.gov.in par jaye ya Google Play Store se ABHA App download kare.
- Step 2: Homepage par “Create ABHA Number” par click kare.
- Step 3: Ab 2 option ayenge – Aadhaar aur Driving License. Aap Aadhaar par click kare.
- Step 4: Apna 12 ank ka Aadhaar Number dale aur I Agree par tick kare. Aapke Aadhaar link mobile par OTP ayega, usko dale.
- Step 5: Ab aapka Aadhaar ka data dikhega, apna mobile number aur email verify kare.
- Step 6: Aapse ABHA Address banane ke liye bolega jaise – ramkumar@abdm. Ye aapki Health ID ka username hoga. Isko bana le.
- Step 7: Submit karte hi aapka 14 Digit ka ABHA Number ban jayega. Isko download kar sakte hain.
Method 2: Mobile Number Se ABHA Card Kaise Banaye?
Agar aapke Aadhaar me mobile link nahi hai to aap Driving License se ABHA bana sakte hain. Usme aapko apna mobile number dalna hoga, OTP se verify karna hoga aur apni personal details manually bharni hogi. Uske baad aapka ABHA Card ban jayega.
ABHA Card Download Kaise Kare?
- abha.abdm.gov.in par jaye aur Login par click kare.
- ABHA Number ya ABHA Address se login kare.
- OTP verify kare aur dashboard me “View ABHA Card” par click kare.
- Aapka card PDF me khul jayega, usko Download karke print kara le.
ABHA App Me Health Record Kaise Jode?
Card banne ke baad ABHA App me jakar aap apne purane reports ko scan karke upload kar sakte hain. Jab aap kisi ABDM registered hospital me jayenge to waha ka doctor aapka record aapki permission se dekh lega aur naya record bhi usi me add kar dega. Isse aapka Digital Health Record ban jayega.
| Feature | Details |
|---|---|
| Card ka Naam | ABHA Card (Health ID) |
| Number | 14 Digit Unique Number |
| Fees | Bilkul Free |
| Website | abha.abdm.gov.in |
| Validity | Lifetime |
Conclusion
To dosto, ABHA Card har nagrik ke liye bahut zaruri hai. Ye aapke health ko digital banata hai aur emergency me doctor ko aapki history turant dikha deta hai. Agar aapne abhi tak ABHA Card nahi banaya hai to aaj hi upar bataye tarike se 2 minute me bana le. Ye bilkul free hai.
Q1. ABHA Card aur Ayushman Card ek hi hai?
Ans: Nahi, ABHA Health Record ke liye hai aur Ayushman Card 5 lakh ke free ilaj ke liye hai.
Q2. Kya bina Aadhaar ke ABHA Card ban sakta hai?
Ans: Haan, Driving License se ban sakta hai.
Q3. Kya iske liye paise lagte hain?
Ans: Nahi, ye Sarkar ki taraf se bilkul free suvidha hai.
Q4. ABHA Card ka full form kya hai?
Ans: Ayushman Bharat Health Account.